प्रादेशिक हवामान केंद्र,मुंबई येथून प्राप्त झालेल्या अंदाजानुसार मराठवाड्यात पुढील पाच दिवस आकाश स्वच्छ ते अंशत: ढगाळ राहील. मराठवाडयात दोन दिवसानंतर कमाल तापमानात 2 ते 3 अं. से. ने वाढ होण्याची शक्यता आहे.
पीक व्यवस्थापन
पिकाच्या आवश्यकतेनुसार पिकात पाणी व्यवस्थापन करावे. उन्हाळी भुईमूग पिकात रस शोषण करणाऱ्या (फुलकिडे, मावा, तुडतुडे) किडीचा प्रादुर्भाव आढळल्यास इमिडाक्लोप्रीड 17.8 टक्के 02 मिली किंवा थायमिथोकझाम 12.6 टक्के + लॅम्बडा सायहॅलोथ्रिन 9.5 % 03 मिली प्रती 10 लिटर पाण्यात मिसळून फवारणी करावी.काढणी न केलेल्या व काढणीस तयार असलेल्या रब्बी ज्वारी पिकाची काढणी व मळणी करून घ्यावी.काढणी न केलेल्या व काढणीस तयार असलेल्या गहू पिकाची काढणी व मळणी करून घ्यावी
फळबागेचे व्यवस्थापन
केळी बागेत पाणी व्यवस्थापन करावे. केळी बागेतील कमळ फुल काढावे.आंबा फळबागेत पाणी व्यवस्थापन करावे. फळ गळ होऊ नये म्हणून जिब्रॅलीक ॲसीड 1.5 ग्राम 100 लिटर पाण्यात मिसळून वारणी करावी.काढणीस तयार असलेल्या द्राक्ष घडांची काढणी करून घ्यावी.
भाजीपाला पिके
नवीन लागवड केलेल्या भाजीपाला पिकात तणनियंत्रण करून पाणी व्यवस्थापन करावे.काढणीस तयार असलेल्या भाजीपाला पिकाची काढणी करावी. भाजीपाला पिकात (मिरची, वांगी, भेंडी) रसशोषन करणा-या किडींच्या व्यवस्थापनासाठी पायरीप्रॉक्झीफेन 5 % + फेनप्रोपॅथ्रीन 15 % 10 मिली किंवा डायमिथोएट 30 % 13 मिली प्रती 10 लिटर पाण्यात मिसळून पावसाची उघाड बघून फवारणी करावी.
फुलशेती व्यवस्थापन
नवीन लागवड केलेल्या फुल पिकात तणनियंत्रण करून पाणी व्यवस्थापन करावे.काढणीस तयार असलेल्या फुल पिकांची काढणी करावी.
तुती रेशीम उद्योग
यशस्वी कोष उत्पादनासाठी तुती पानांचा वाटा 38 % असून किटक संगोपन गृहातील तापमान व आद्रतेचा वाटा 37 % असतो तर एकूण कोष उत्पादनाच्या खर्चापैकी 60 %खर्च हा तुती पाने उत्पादनासाठी होतो. उर्वरीत खर्च कीटक संगोपन आणि कोकाढणी व बाजारपेठ यासाठी होतो.
सामुदायिक विज्ञान
स्वस्थ जीवनासाठी आश्यक बाबी : दररोज संतुलीत आहार घ्या. दिवसभरात 8 ते 10 ग्लास पाणी प्या. आहारात साखर आणि मीठाचा वापर कमी करा. तेल आणि मसालेदार पार्थांचा वापर कमी करा. सकाळची न्याहरी करण्यास कधीच टाळाटाळ करु नका. जेवणाच्या वेळा नियमितपणे पाळा.
( सौजन्‍य : डॉ. कैलास कामाजी डाखोरे, मुख्य प्रकल्प समन्वयक, ग्रामीण कृषी मौसम सेवा,वसंतराव नाईक मराठवाडा कृषी विद्यापीठ, परभणी)