दिनांक 05 जून रोजी औरंगाबाद, जालना, बीड, उस्मानाबाद व लातूर जिल्हयात तसेच दिनांक 06 जून रोजी औरंगाबाद, बीड, उस्मानाबाद जिल्हयात तुरळक ठिकाणी वादळी वारा, विजांचा कडकडाट, वाऱ्याचा वेग अधिक राहून (ताशी 30-40 किलोमिटर) पावसाची शक्यता आहे.
प्रादेशिक हवामान केंद्र,मुंबई येथून प्राप्त झालेल्या अंदाजानुसार दिनांक 04 जून रोजी मराठवाडयातील सर्व जिल्हयात तर दिनांक 05 जून रोजी औरंगाबाद, जालना, बीड, उस्मानाबाद व लातूर जिल्हयात तसेच दिनांक 06 जून रोजी औरंगाबाद, बीड, उस्मानाबाद जिल्हयात तुरळक ठिकाणी वादळी वारा, विजांचा कडकडाट, वाऱ्याचा वेग अधिक राहून (ताशी 30-40 किलोमिटर) पावसाची शक्यता आहे.
विस्तारीत अंदाजानुसार (ईआरएफएस) मराठवाड्यात दिनांक 09 जून ते 15 जून, 2021 दरम्यान कमाल तापमान मध्यम प्रमाणात सरासरी पेक्षा कमी राहण्याची, किमान तापमान सरासरीपेक्षा कमी राहण्याची तर पाऊस सरासरीपेक्षा जास्त राहण्याची शक्यता आहे.
वसंतराव नाईक मराठवाडा कृषि विद्यापीठ, परभणी येथील ग्रामीण कृषि मौसम सेवा योजनेतील तज्ञ समितीने पुढील प्रमाणे कृषि हवामान आधारीत कृषि सल्ल्याची शिफारश केली आहे.
पीक व्‍यवस्‍थापन
सोयाबीन पेरणीसाठी अति लवकर येणारे वाण: परभणी सोना (एमएयुएस-47), लवकर येणारे वाण: एमएयूएस-71 (समृध्दी), एमएयुएस-158, एमएयुएस-612, मध्यम उशिरा येणारे वाण: प्रसाद (एमएयुएस-1), प्रतिकार (एमएयूएस-61), एमएयुएस-162 इत्यादी वाणांचा वापर करावा.खरीप ज्वारी पेरणीसाठी संकरीत वाण: सीएसएच-14, सीएसएच-16, सीएसएच-25 (परभणी साईनाथ), सुधारीत वाण: परभणी शक्ती, पीव्हीके-809, पीव्हीके-801 (परभणी श्वेता)या वाणाचा वापर करावा.बाजरीच्या पेरणीसाठी संकरीत वाण: सबुरी, श्रध्दा, शांती, एएचबी-1269, सुधारीत वाण: आयसीटीपी, समृध्दी, परभणी संपदा या वाणाचा वापर करावा.ऊस पिकात तणांचे नियंत्रण करावे.हळद लागवडीसाठी सेलम, कृष्णा, राजापूरी, फुले स्वरुप या सुधारीत जातींची निवड करावी.
फळबागेचे व्‍यवस्‍थापन
पुरेसा पाऊस झाल्याशिवाय नवीन संत्रा/मोसंबी फळबागेची लागवड करु नये. बागेत आंतरमशागतीची कामे पूर्ण करून घ्यावी. बागेत फुलधारणा होण्यासाठी 13:00:45 15 ग्रॅम प्रति लिटर पाण्यात मिसळून स्टिकरसह पावसाने उघाड दिल्यास फवारणी करावी.पुरेसा पाऊस झाल्याशिवाय नवीन डाळींब फळबागेची लागवड करु नये. बागेत आंतरमशागतीची कामे पूर्ण करून घ्यावी. मृग बहारासाठी बागेतील वाळलेल्या फांद्या व रोगग्रस्त फांद्या काढून टाकाव्यात.पुरेसा पाऊस झाल्याशिवाय नवीन चिकू फळबागेची लागवड करु नये. बागेत आंतरमशागतीची कामे पूर्ण करून घ्यावी.
भाजीपाला
खरीप हंगामात भाजीपाला लागवडीसाठी रोपे तयार करण्यासाठी गादी वाफे तयार करून घ्यावेत.
फुलशेती
खरीप हंगामात फुलपिकांच्या लागवडीसाठी रोपे तयार करण्यासाठी गादी वाफे तयार करून घ्यावेत.
चारा पिके
मका या चारापिकाच्या लागवडीसाठी आफ्रिकन टॉल, मांजरी, कंपोझीट, विजय, गंगासफेद, डेक्कन हायब्रीड या वाणांची निवड करावी.
तुती रेशीम उद्योग
बदलत्या हवामानात पिक पध्दतीमध्ये बदल करणे गरजेचे आहे. जमिनीचे आरोग्य चांगले ठेवण्यासाठी पिक बदल करणे जसे गरजेचे आहे तसेच लहान व मध्यम भूधारक शेतकऱ्यांना कृषि आधारित पिक पध्दती स्विकारणे आवश्यक आहे. त्यात कुकुटपालन, शेळीपालन, रेशीम उद्योग, मधुमक्क्षीका पालन, दुग्ध व दुग्धजन्य पदार्थ निर्मिती, मशरुम उत्पादन इत्यादी. तरच लहान शेतकरी शाश्वत उत्पादन घेणे शक्य होईल. खेडयात रोजगार निर्मितीची प्रचंड क्षमता रेशीम उगात असून बारा लोकांना प्रति वर्ष रोजगार उपलब्ध होतो.
सामुदायिक विज्ञान
गर्भावस्थेत सुरूवातीपासूनच स्त्रीरोग तज्ञांचा सल्ला घ्या : डॉक्टरांना तुमच्या आरोग्याचा पूर्व इतिहास सांगण्यास व सध्याच्या गर्भावस्थेबाबत माहिती सांगण्याविषयी संकोच टाळावा. गर्भावस्थेत खालील बाबतीत नियमीत आरोग्य तपासणी करून घेऊन डॉक्टरांच्या सर्व सूचनांचे तंतोतंत पालन करा. रक्तदाब (सर्वसाधारण 120/80 mm Hg). शारीरिक वजन (योग्य वाढ 1 ते 1.5 किलोग्रॅम/महिना). लघवी/रक्ताची तपासणी (रक्ताची तपासणी – प्रकार, गट, रक्तातील लाल द्रव्याचे प्रमाण (हिमोग्लोबिन), आजार इत्यादी कळण्यासाठी. लघवी चाचणी – काही संसर्ग किंवा आजार कळण्यासाठी. गर्भाशय वाढीची तपासणी (गर्भाची वाढ, स्थिती व हालचाल कळण्यासाठी). धनुर्वाताचे लसीकरण (धनूर्वात टाळण्यासाठी).
सौजन्‍य : डॉ. कैलास कामाजी डाखोरे, मुख्य प्रकल्प समन्वयक, ग्रामीण कृषी मौसम सेवा,वसंतराव नाईक मराठवाडा कृषी विद्यापीठ, परभणी