अभिनेत्री स्वरा भास्कर हिने कचरापेटीमध्ये सापडलेल्या एका मुलीला दत्तक घेतल्याची माहिती मिळत आहे. स्वराचे या मुलीसोबतचे फोटो सध्या सर्वत्र व्हायरल होत आहे. हे फोटो पाहून स्वरावर कौतुकाचा वर्षाव होत आहे.
आपल्या आगामी चित्रपटाच्या शूटिंगच्या निमित्ताने स्वरा उत्तर प्रदेशमधील बदायु येथे गेली होती. त्यावेळी स्वराने तेथील एका अनाथ आश्रमाला भेट दिली. याच दरम्यान स्वराचे लक्ष एका गोंडस मुलीने वेधून घेतले. अनाथ आश्रमाच्या संचालिका प्रियांका जौहरी यांना ही मुलगी एका कचऱ्याच्या डब्यात सापडली होती. या मुलीची कथा ऐकून स्वरा अत्यंत भावूक झाली आणि या मुलीला दत्तक घेण्याचा निर्णय स्वराने घेतला. ही मुलगी पुढील काही काळ अनाथआश्रमात राहणार. परंतु तिचा संपूर्ण आर्थिक खर्च स्वरा उचलणार आहे.