सोनी मराठी वाहिनीवरल्या स्वराज्यजननी जिजामाता या मालिकेचं चित्रीकरण पुन्हा सुरू झालं आहे आता मालिकेचे नवीन भाग कधी पाहायला मिळतील याबद्दल प्रेक्षकांमध्ये उत्सुकता आहे.
तुमच्यासाठी आनंदाची बातमी अशी की, १३ जुलैपासून रात्री ८:३० वाजता ‘स्वराज्यजननी जिजामाता‘ या मालिकेचे नवे भाग सुरू होणार आहेत.
जिजाऊंचं बालपण, त्यांची जडणघडण, त्यांच्या मनातलं स्वराज्याचं स्वप्न, त्यांनी आणि शहाजी राजांनी मिळून घेतलेली स्वराज्यस्थापनेची शपथ आणि शिवजन्म हे सर्व आत्तापर्यंत तुम्ही पाहिलंत. इतिहासाच्या सुवर्ण क्षणांचे साक्षीदार होण्याची संधी या मालिकेतून मिळत आहे!
प्रेक्षकांनासुद्धा आता नव्या भागाची आणि त्यांच्या आवडत्या मालिकेच्या पुढच्या गोष्टीची उत्सुकता आहे. १३ जुलैपासून सोनी मराठी वाहिनीवर प्रेक्षकांना मालिकेचे नवे भाग पाहायला मिळणार आहेत.
या नव्या भागांमध्ये छोटा शिवबा सर्वांना पाहायला मिळेल. आर्यन लहामगे हा बालकलाकार छोट्या शिवबाची भूमिका साकारणार आहे. स्वराज्याच्या ध्येयासाठी जिजाऊंनी शिवबांना कसं तयार केलं, हे नवीन भागांमध्ये दिसणार आहे.
एका मुलखावेगळ्या आईची गाथा आणि स्वराज्य बांधणीची कथा, स्वराज्यजननी जिजामाता या मालिकेतून सोनी मराठी वाहिनीनं प्रेक्षकांसमोर मांडली आहे. जिथून गोष्ट सुटली आहे तिथून पुढची गोष्ट नवीन भागांत प्रेक्षकांना पाहायला मिळणार आहे.