सध्या अभिनेता विकी कौशल त्याच्या कोणत्याही चित्रपटाबद्दल नाही तर त्याच्या लग्नाबद्दल खूप चर्चेत आहे. विकी कौशल 9 डिसेंबरला अभिनेत्री कतरिना कैफसोबत लग्न करणार आहे. राजस्थानमधील सवाई माधोपूर येथील सिक्स सेन्सेस रिसॉर्टमध्ये या लग्नाचा भव्य सोहळा आयोजित करण्यात आला आहे.
विकी कौशलने आपल्या अभिनयाने लाखो लोकांची मने जिंकली आहेत. फिल्म इंडस्ट्री आणि लोकांच्या हृदयात स्थान निर्माण करण्यासाठी विकीला फार कमी काळ लागला. त्याच्या अभिनयाबद्दल चाहत्यांकडूनच कौतुक मिळत नाही, तर मेगास्टार अमिताभ बच्चन यांनीही त्याची प्रशंसा केली आहे. विकी कौशल हा अशा अभिनेत्यांपैकी एक आहे जो कोणतेही पात्र अतिशय समरस होऊन साकारतो आणि स्वतःला त्यात सामावून घेतो. विकीचा हा गुण त्याच्या चाहत्यांना आवडतो आणि त्यामुळेच त्याचे चित्रपट प्रेक्षकांना खूप आवडतात. मग तो ‘मसान’ असो वा ‘उरी : द सर्जिकल स्ट्राइक’.
किती आहे संपत्ती
काल ७ डिसेंबरपासून या विकीच्या लग्नाचे कार्यक्रमही सुरू होत आहेत. या लग्नात विकी आणि कतरिना दोघेही मोकळेपणाने खर्च करत आहेत. हे लग्न एखाद्या शाही लग्नापेक्षा कमी नाही. विकी कौशल त्याच्या लग्नावर इतका खर्च करत आहे, चला तर मग त्याच्या एकूण संपत्तीवर एक नजर टाकूया.
विकी कौशल हा अशा अभिनेत्यांपैकी एक आहे ज्यांनी फार कमी कालावधीत मोठी ओळख आणि लोकप्रियता मिळवली आहे. एकाहून एक सरस चित्रपट आणि त्याच्या अभिनयाने तो खूप यशस्वी अभिनेता बनला आहे. अनेक अहवालांनुसार, त्याची एकूण संपत्ती 25 ते 30 कोटी रुपये आहे. काही रिपोर्ट्समध्ये असा दावा करण्यात आला आहे की, तो प्रत्येक चित्रपटासाठी 3 ते 4 कोटी रुपये घेतो. विकी कौशललाही वाहनांची आवड आहे. या वर्षीच एक मोठे रेंज रोव्हर वाहन खरेदी केले. त्‍याने त्याच्या कारचे फोटोही चाहत्‍यांसोबत शेअर केले आहेत. रेंज रोव्हर व्यतिरिक्त विकीच्या कार कलेक्शनमध्ये मर्सिडीज बेंझ जीएलसी एसयूव्ही कार देखील आहे. अभियांत्रिकी सोडून अभिनेता झालेल्या विकीचे मुंबईतील अंधेरी भागातील प्रसिद्ध इमारती ओबेरॉय स्प्रिंग्समध्ये एक आलिशान घर आहे. या घरात तो आपल्या कुटुंबासह राहतो.