कतरिनाचा व्हॅलेंटाईन डे पतीऐवजी सलमानसोबत

विकी कौशल आणि कतरिना कैफ यांचा विवाह सोहळा अलीकडे बराच गाजला. अनेक दिग्गज बॉलीवूड कलाकार त्यांच्या लग्नात हजार होते. यंदा त्यांचा पहिलाच व्हॅलेंटाईन डे असणार आहे. पण कदाचित तुम्हाला वाचून आश्चर्य वाटेल की ते कतरिना कौशल हा दिवस आपला पती विकी सोबत नव्हे तर सलमान सोबत साजरा करणार आहे.

म्हणून सलमानसोबत…
सुपरस्टार सलमान खान या शनिवारपासून मुंबईतील यशराज फिल्म्स स्टुडिओमध्ये ‘टायगर 3’चे शूटिंग पुन्हा सुरू करण्यासाठी सज्ज झाला आहे. सलमान आणि कतरिना कैफ चित्रपटाचे शेवटचे मोठे शेड्यूल 14 फेब्रुवारीपासून नवी दिल्लीत सुरू करणार आहेत आणि या शेड्यूलच्या शूटिंगसोबत ‘टायगर 3’ चित्रपटाचे शूटिंग पूर्ण होईल.

‘टायगर 3’ :
‘टायगर 3’ चित्रपटाबाबत वेगवेगळ्या स्त्रोतांकडून समोर येत असलेल्या वेगवेगळ्या माहितीचा तपास केल्यानंतर असे आढळून आले की, या आठवड्यापासून सलमान खान ‘टायगर 3’ चित्रपटाचे शूटिंग करणार आहे. या शूटिंगसाठी मुंबईतील अंधेरी येथील यशराज फिल्म्स स्टुडिओमध्ये जोरदार तयारी सुरू आहे. शूटिंगमध्ये सहभागी सर्व कलाकार आणि तंत्रज्ञांची कोरोना चाचणी झाली आहे. प्रत्येकाच्या लसीचा डबल डोस निश्चित झाला आहे आणि आतापासून सर्व लोक बायो बबलमध्ये आहेत आणि हे सर्व लोक शूटिंग संपेपर्यंत बायो बबलमध्ये असेच राहतील. शनिवारपासून सुरू होणाऱ्या या शूटसाठी जी दृश्ये शूट केली जाणार आहेत, त्यात काही अंतरंग दृश्ये आणि चित्रपटातील काही अतिशय नाट्यमय दृश्यांचा समावेश आहे.

व्हॅलेंटाईन डेच्या दिवशी शूटिंग :
यशराज फिल्म्स स्टुडिओमध्ये प्रस्तावित शूटिंग सुमारे एक आठवडा चालेल आणि त्यानंतर पुढील आठवड्यात शनिवार, रविवार, 12 किंवा 13 फेब्रुवारीला सलमान खान आणि कतरिना कैफ दिल्लीला रवाना होतील. दोघेही व्हॅलेंटाईन डेच्या दिवशी ‘टायगर 3’ चित्रपटाचे शूटिंग दिल्लीत करणार आहेत. दिल्लीत या चित्रपटाचे शूटिंग जवळपास दोन आठवडे चालणार असून यासोबतच ‘टायगर 3’ चित्रपटाचे शूटिंग पूर्ण होणार आहे.

मेगा बजेट चित्रपट :
चित्रपटाच्या प्रदर्शनाची तारीख अद्याप ठरलेली नसून चित्रपटाचे निर्माते यशराज फिल्म्सला याबाबत कोणतीही घाई नसल्याचे मानले जात आहे. मेगा बजेटमध्ये बनलेला हा चित्रपट हिंदी आणि इंग्रजी व्यतिरिक्त इतर अनेक भारतीय भाषांमध्ये प्रदर्शित होण्यासाठी सज्ज आहे. या चित्रपटाचे योग्य मार्केटिंग केल्यास तेलुगू चित्रपट ‘पुष्पा पार्ट 1’ला हिंदी चित्रपटसृष्टीतील पहिलेच उत्तम उत्तर ठरू शकते, असे बाजारातील तज्ज्ञांचे मत आहे.