देशातील रोगमुक्ती दर सध्या 96.36%

गेल्या 24 तासांत देशात 1,68,063 नव्या कोरोनाबाधित रुग्णांची नोंद

गेल्या 24 तासांच्या कालावधीत, लसींच्या 92 लाखांहून अधिक  (92,07,700) मात्रा देण्यात आल्यामुळे, आज सकाळी 7 वाजता प्राप्त झालेल्या तात्पुरत्या अहवालातील आकडेवारीनुसार, भारताच्या कोविड -19 प्रतिबंधक लसीकरण मोहिमेत देण्यात आलेल्या लसीच्या मात्रांच्या संख्येने 152 कोटी 89 लाखांचा (1,52,89,70,294) टप्पा ओलांडला आहे.

देशभरात  1,63,81,175 सत्रांच्या आयोजनातून हे उद्दिष्ट साध्य करण्यात आले. आज सकाळी 7 वाजता प्राप्त झालेल्या तात्पुरत्या अहवालातील आकडेवारीनुसार, नागरिकांना आतापर्यंत देण्यात आलेल्या कोविड प्रतिबंधक लसीच्या मात्रांची गटनिहाय विभागणी पुढीलप्रमाणे-:

Cumulative Vaccine Dose Coverage
HCWs	1st Dose	1,03,89,162
	2nd Dose	97,49,504
	Precaution Dose	5,19,604
FLWs	1st Dose	1,83,87,535
	2nd Dose	1,69,87,318
	Precaution Dose	2,01,205
Age Group 15-18 years	1st Dose	2,62,35,531
Age Group 18-44 years	1st Dose	51,64,88,421
	2nd Dose	35,52,58,150
Age Group 45-59 years	1st Dose	19,64,00,931
	2nd Dose	15,70,66,390
Over 60 years	1st Dose	12,24,27,789
	2nd Dose	9,85,94,887
	Precaution Dose	2,63,867
Precaution Dose		9,84,676
Total		1,52,89,70,294

 

गेल्या 24 तासात 69,959 रुग्ण कोविड आजारातून बरे झाले. त्यामुळे, देशात (महामारीची सुरुवात झाल्यापासून) आतापर्यंत कोविड-19 आजारातून पूर्णपणे बऱ्या झालेल्या रुग्णांची संख्या आता 3,45,70,131 झाली आहे.

परिणामी, भारतातील रोगमुक्ती दर 96.36% झाला आहे.

गेल्या 24 तासांत, 1,68,063 नव्या कोविडबाधितांची नोंद झाली.

भारतातील कोविड सक्रिय (उपचाराधीन) रुग्णसंख्या सध्या  8,21,446 इतकी आहे. देशात सध्या कोविड सक्रिय असलेल्या रुग्णांचे प्रमाण आतापर्यंतच्या एकूण कोविड बाधितांच्या संख्येच्या 2.29% आहे.

कोविड संसर्ग तपासणी चाचण्या करण्याच्या क्षमतेचा विस्तार करण्याचे काम देशभरात सुरु आहे. गेल्या 24 तासात देशात एकूण 15,79,928 चाचण्या करण्यात आल्या. देशात आतापर्यंत एकंदर 69 कोटी 31 लाखांहून अधिक (69,31,55,280) चाचण्या करण्यात आल्या आहेत.

देशभरात कोविड संसर्ग तपासणी चाचण्या करण्याची क्षमता वाढविली जात असतानाच, देशातील साप्ताहिक पॉझिटीव्हिटी दर सध्या 8.85% आणि दैनंदिन पॉझिटीव्हिटी दर 10.64% इतका आहे.