रुग्ण बरे होण्याच्या प्रमाणात सातत्याने वाढ, आतापर्यंत 1.06 कोटी रुग्ण कोरोनामुक्त
भारतातील उपचाराधीन रुग्णांची एकूण संख्या आजमितीला 1.36 लाख (1,36,549) इतकी आहे. भारतातील कोरोनारुग्णांच्या एकूण संख्येच्या तुलनेत उपचाराधीन रुग्णांचे प्रमाण 1.25% इतके आहे.
एक महत्त्वाची घडामोड अशी की, सर्व राज्ये/ केंद्रशासित प्रदेशांत उपचाराधीन रुग्णांची संख्या गेल्या महिन्यात घटली आहे. महाराष्ट्रातील उपचाराधीन रुग्णांच्या संख्येत लक्षणीय घट झाली आहे. 17 जानेवारी 2021 रोजी महाराष्ट्रात 53,163 कोरोना रुग्णांवर उपचार सुरु होते, तर 17 फेब्रुवारी 2021 ला हीच संख्या 38,307 इतकी झाली आहे.
गेल्या 24 तासांत अठरा राज्ये/केंद्रशासित प्रदेशांत कोविड -19 मुळे एकही मृत्यू झाल्याची नोंद नाही. त्यांची नावे पुढीलप्रमाणे- उत्तरप्रदेश, राजस्थान, आंध्रप्रदेश, जम्मू आणि काश्मीर (केंद्रशासित प्रदेश), झारखंड, पुदुचेरी, हिमाचल प्रदेश, लक्षद्वीप, मणिपूर, लडाख(केंद्रशासित प्रदेश), आसाम, अंदमान आणि निकोबार बेटे, सिक्कीम, मेघालय, त्रिपुरा, मिझोराम, अरुणाचल प्रदेश आणि दमण-दीव आणि दादर-नगरहवेली.
कोरोनाचे रुग्ण बरे होण्याचे भारतातील दैनंदिन प्रमाण सातत्याने वाढत आहे. कोरोनामुक्त व्यक्तींची संख्या आज 1.06 कोटी (1,06,44,858) इतकी झाली आहे. रुग्ण बरे होण्याचा दर 97.33% इतका आहे. गेल्या चोवीस तासांत 11,833 रुग्ण बरे होऊन घरी परतले आहेत.
कोरोनामुक्तीचे वाढते प्रमाण आणि नव्या रुग्णसंख्येतील घट यामुळे सक्रिय / उपचाराधीन रुग्णसंख्या कमी होत चालली आहे.
गेल्या चोवीस तासांत 11,610 नवीन रुग्णांची नोंद झाली आहे.
17 फेब्रुवारी 2021 रोजी सकाळी 8:00 वाजेपर्यंत देशातील एकूण सुमारे नव्वद लाख आरोग्य कर्मचारी आणि कोरोनायोद्ध्यांना कोविड-19 प्रतिबंधक लस देण्यात आली आहे.
आज सकाळी आठ वाजताच्या तात्कालिक अहवालानुसार 1,91,373 सत्रांद्वारे लाभार्थ्यांना कोरोना लसीचे 89,99,230 डोस देण्यात आले आहेत. यामध्ये 61,50,922 आरोग्य कर्मचारी (पहिली मात्रा), 2,76,377 आरोग्य कर्मचारी (दुसरी मात्रा) आणि 25,71,931 आघाडीवरील कर्मचारी (पहिली मात्रा) यांचा समावेश आहे.
कोविड-19 प्रतिबंधक लसीची पहिली मात्रा घेऊन अठ्ठावीस दिवस लोटले आहेत अशा लाभार्थ्यांना दुसरी मात्रा देण्यास 13 फेब्रुवारी 2021 रोजी प्रारंभ झाला.
| S.
No. |
State/UT |
Beneficiaries vaccinated | ||
| 1st Dose | 2nd Dose | Total Doses | ||
| 1 | A & N Islands | 3,847 | 182 | 4,029 |
| 2 | Andhra Pradesh | 3,66,523 | 24,142 | 3,90,665 |
| 3 | Arunachal Pradesh | 16,613 | 1,574 | 18,187 |
| 4 | Assam | 1,30,058 | 5,361 | 1,35,419 |
| 5 | Bihar | 4,96,988 | 13,497 | 5,10,485 |
| 6 | Chandigarh | 9,756 | 252 | 10,008 |
| 7 | Chhattisgarh | 2,96,308 | 6,682 | 3,02,990 |
| 8 | Dadra & Nagar Haveli | 3,175 | 70 | 3,245 |
| 9 | Daman & Diu | 1,308 | 94 | 1,402 |
| 10 | Delhi | 2,14,646 | 6,579 | 2,21,225 |
| 11 | Goa | 13,147 | 354 | 13,501 |
| 12 | Gujarat | 6,95,628 | 15,809 | 7,11,437 |
| 13 | Haryana | 2,01,098 | 4,773 | 2,05,871 |
| 14 | Himachal Pradesh | 84,225 | 2,907 | 87,132 |
| 15 | Jammu & Kashmir | 1,59,765 | 2,501 | 1,62,266 |
| 16 | Jharkhand | 2,24,005 | 5,408 | 2,29,413 |
| 17 | Karnataka | 5,05,157 | 28,901 | 5,34,058 |
| 18 | Kerala | 3,75,441 | 12,815 | 3,88,256 |
| 19 | Ladakh | 3,421 | 228 | 3,649 |
| 20 | Lakshadweep | 1,809 | 115 | 1,924 |
| 21 | Madhya Pradesh | 5,76,610 | 0 | 5,76,610 |
| 22 | Maharashtra | 7,31,537 | 9,294 | 7,40,831 |
| 23 | Manipur | 28,579 | 459 | 29,038 |
| 24 | Meghalaya | 17,889 | 337 | 18,226 |
| 25 | Mizoram | 12,330 | 227 | 12,557 |
| 26 | Nagaland | 15,025 | 1,209 | 16,234 |
| 27 | Odisha | 4,17,881 | 10,590 | 4,28,471 |
| 28 | Puducherry | 6,627 | 330 | 6,957 |
| 29 | Punjab | 1,09,911 | 2,041 | 1,11,952 |
| 30 | Rajasthan | 6,22,374 | 14,647 | 6,37,021 |
| 31 | Sikkim | 8,991 | 157 | 9,148 |
| 32 | Tamil Nadu | 2,80,892 | 9,356 | 2,90,248 |
| 33 | Telangana | 2,79,497 | 53,350 | 3,32,847 |
| 34 | Tripura | 73,924 | 1,491 | 75,415 |
| 35 | Uttar Pradesh | 9,16,568 | 18,394 | 9,34,962 |
| 36 | Uttarakhand | 1,19,060 | 2,666 | 1,21,726 |
| 37 | West Bengal | 5,46,433 | 10,017 | 5,56,450 |
| 38 | Miscellaneous | 1,55,807 | 9,568 | 1,65,375 |
| Total | 87,22,853 | 2,76,377 | 89,99,230 | |
लसीकरणाच्या बत्तिसाव्या दिवशी (16 फेब्रुवारी 2021), 7,001 सत्रांद्वारे लसीचे एकूण 2,76,943 डोस दिले गेले. यापैकी, 1,60,691 लाभार्थ्यांना पहिली तर 1,16,252 आरोग्य कर्मचाऱ्यांना दुसरी मात्रा देण्यात आली.
भारतातील एकूण लसीकरणापैकी 8 राज्यांत 57.8% लसी देण्यात आल्या आहेत. एकट्या उत्तरप्रदेशातच 10.4% (9,34,962) लसी देण्यात आल्या आहेत.
16 फेब्रुवारी 2021 रोजी दुपारी 4 वाजेपर्यंत, लस दिलेल्या लोकांपैकी 36 जणांना रुग्णालयात दाखल करावे लागले, तर 29 जणांचा मृत्यू झाला. रुग्णालयात दाखल केलेल्या या 36 लोकांपैकी 22 जणांना उपचारानंतर घरी पाठविण्यात आले आहे. दोघांवर अद्यापि उपचार सुरु आहेत आणि बारा जणांचा मृत्यू झाला आहे. 29 मृत्यूंपैकी 12 मृत्यू रुग्णालयात तर 17 मृत्यू अन्यत्र झाले आहेत.
नव्याने रोगमुक्त झालेल्यांपैकी 81.15% व्यक्ती, 6 राज्यातील आहेत.
केरळात 5,439 रुग्ण नव्याने कोरोनामुक्त झाले असून, एका दिवसातील ही सर्वात मोठी संख्या आहे. गेल्या चोवीस तासात महाराष्ट्रात 2,700 तर तामिळनाडूमध्ये 470 रुग्ण कोरोनामुक्त झाले आहेत.
एका दिवसातील नव्या रुग्णसंख्येचा विचार करता 86.15% रुग्ण 6 राज्यातील आहेत.
केरळात ही संख्या सर्वोच्च म्हणजे 4,937आहे. त्याखालोखाल महाराष्ट्रात 3,663 तर तामिळनाडूमध्ये 451 नवे रुग्ण नोंदले गेले आहेत.
गेल्या चोवीस तासात 100 जणांचा मृत्यू ओढवला आहे.
एका दिवसातील मृत्यूच्या संख्येचा विचार करता सहा राज्यांत 81.00% मृत्यू होत आहेत. महाराष्ट्रात सर्वाधिक (39) मृत्यू झाले आहेत. त्याखालोखाल केरळात 18 तर तामिळनाडूमध्ये 7 जणांचा मृत्यू झाला आहे.
