पुढील दोन दिवसांत 7400 हून अधिक भारतीय दाखल होण्याची शक्यता
युक्रेनमध्ये अडकलेल्या भारतीय नागरिकांना मायदेशी परत आणण्यासाठी भारताने ‘ऑपरेशन गंगा’ नावाने मोठी बचाव मोहीम राबवली आहे. नागरी विमान वाहतूक मंत्रालयाच्या निकट समन्वयाने, परराष्ट्र मंत्रालय भारतीय विद्यार्थ्यांना लवकरात लवकर भारतात परत आणण्यासाठी सर्वतोपरी प्रयत्न करत आहे. इंडियन एअरलाइन्स देखील या बचाव मोहिमेत हातभार लावत आहे . चार केंद्रीय मंत्री- हरदीप सिंग पुरी, ज्योतिरादित्य एम सिंधिया, किरेन रिजिजू आणि जनरल (निवृत्त) व्ही.के. सिंग युक्रेनच्या शेजारी देशांमध्ये जाऊन या मोहिमेला मदत आणि देखरेख ठेवण्यासाठी गेले आहेत. भारतीय नागरी विमाने तसेच भारतीय हवाई दलाची विमाने अडकलेल्या भारतीय विद्यार्थ्यांना परत घेऊन येत आहेत .
22 फेब्रुवारीपासून सुरू झालेल्या या बचाव कार्याअंतर्गत आतापर्यंत 6200 हून अधिक लोकांना परत आणले आहे, ज्यात 10 विशेष नागरी विमानांद्वारे आज येत असलेल्या 2185 व्यक्तींचा समावेश आहे. आजच्या उड्डाणांमध्ये बुखारेस्टहून(रुमानिया) 5, बुडापेस्टहून(हंगेरी) 2, कोसिसहून(स्लोवाकिया) 1 आणि झेझोहून(पोलंड) 2 विमानांचा समावेश होता. याशिवाय,भारतीय हवाई दलाची 3 विमाने आज आणखी काही भारतीयांना घेऊन येत आहेत. नागरी उड्डाणांची संख्या आणखी वाढवली जाईल आणि पुढील दोन दिवसांत विशेष विमानांद्वारे 7400 हून अधिक लोकांना मायदेशी आणले जाण्याची शक्यता आहे. उद्या 3500 आणि 5 मार्च रोजी 3900 हून अधिक लोकांना परत आणले जाण्याची शक्यता आहे.
उद्याच्या विशेष विमान सेवांचे तात्पुरते वेळापत्रक खालीलप्रमाणे आहे:
| Date | Airline | From | To | ETA | Inbound flights |
| 04.03.2022 | Air India Express | Bucharest | Mumbai | 06:20 | 1 |
| Air India Express | Budapest | Mumbai | 08:30 | 1 | |
| Air India | Bucharest | New Delhi | 10:05 | 1 | |
| SpiceJet | Kosice | New Delhi | 11:20:00,14:10 | 2 | |
| Indigo | Budapest | New Delhi | 04:40, 08:20 | 2 | |
| Indigo | Rzeszow | New Delhi | 08:20, 05:20, 06:20 | 3 | |
| Indigo | Bucharest | New Delhi | 02:30, 03:40, 04:40 | 3 | |
| Indigo | Suceava | New Delhi | 04:05,05:05 | 2 | |
| Vistara | Bucharest | New Delhi | 15:45 | 1 | |
| Go First | Budapest | New Delhi | 04:00 | 1 |
विमान सेवांची एकूण संख्या: 17