मुंबई, ९ : हवामान खात्याने वर्तविलेल्या अंदाजानुसार मुंबईत पोचलेला मॉन्सून कोकणासह राज्यातील काही भागात आणखी सक्रीय झाला आहे. मात्र जो पर्यंत ७५ ते १०० सेमी पाऊस पडून वाफसा येत नाही तो पर्यंत शेतकरी बांधवांनी खरीप पेरणीची घाई करू नये, असा इशारा कृषी विद्यापीठातील तज्ज्ञांनी दिला आहे.
मुंबईत रात्रभर पडणाऱ्या मुसळधार पावसाने सर्वत्र पाणी साचले आहे. रेल्वे रुळांमध्ये पाणी साचल्याने मध्य रेल्वेची वाहतूक पुढील सूचना मिळेपर्यंत बंद करण्यात आली आहे.
प्रादेशिक हवामान केंद्र,मुंबई येथून प्राप्त झालेल्या अंदाजानुसार दिनांक 08 जून रोजी मराठवाडयातील सर्व जिल्हयात तर दिनांक 09 जून रोजी औरंगाबाद, जालना, बीड, उस्मानाबाद व परभणी जिल्हयात तुरळक ठिकाणी वादळी वारा, विजांचा कडकडाट, वाऱ्याचा वेग अधिक राहून (ताशी 30-40 किलोमिटर) पावसाची शक्यता आहे.
शेतकऱ्यांनी मौसमी पाऊस 75 ते 100 मिमी झाल्याशिवाय पेरणी करू नये.
विस्तारीत अंदाजानुसार (ईआरएफएस) मराठवाड्यात दिनांक 13 जून ते 19 जून, 2021 दरम्यान कमाल तापमान मध्यम प्रमाणात सरासरी पेक्षा कमी राहण्याची, किमान तापमान सरासरीपेक्षा कमी राहण्याची तर पाऊस सरासरीपेक्षा जास्त राहण्याची शक्यता आहे.