लासलगावपेक्षा जुन्नर बाजारसमितीत कांद्याला सर्वाधिक 12 हजारांचा दर

आज पुणे जिल्ह्यातील जुन्नर बाजारसमितीत कांद्याला जास्तीत जास्त प्रतिक्विंटल दर 12 हजारांवर मिळाला, तर सरासरी दर साडेआठ हजारापर्यंत राहिले. त्याखालोखाल राहता बाजारसमितीत सुमारे दहा हजार जास्तीत जास्त दर मिळाला.

कांद्याची बाजारपेठ म्हणून प्रसिद्ध असलेल्या लासलगाव येथे आज जास्तीत जास्त दर 7800 रुपये प्रतिक्विंटल, तर सर्वसाधारण 7 हजार रुपये प्रतिक्विंट होता. चार ते पाच दिवसांपूर्वी लासलगावच्या काही बड्या कांदा व्यापाºयांवर आयकर विभागाने छापे टाकल्याने व्यापाºयांनी लिलाव बंद केले होते. मात्र शेतकºयांनी जवळ असलेल्या विंचूर, देवळा, सायखेडा, येवला बाजारसमितीत कांदा विक्री करणे पसंत केले. सध्या येथील लिलाव पूर्ववत सुरू असले, तरी पिंपळगाव, देवळा, दिंडोरी पेक्षा कमी बाजारभाव शेतकºयांना आज मिळाला.

नाशिक जिल्ह्यातील पिंपळगाव बसवंत येथे आज कांदद्याचा जास्तीत जास्त भाव 8100 होता, तर सरासरी भाव 8 हजार रुपये प्रति क्विंटल होता, तर दिंडोरी-वणी आणि देवळा येथेही चांगला दर होता.

(टिप : आज कांद्याला मिळालेल्या दराची माहिती महाराष्टÑ राज्य पणन मंडळाने त्यांच्या संकेतस्थळावर जारी केली असून त्या आधारे आजची ही बाजारभावांची माहिती दिली आहे. ती संबंधित बाजारसमितीत झालेल्या आवकेनुसार आहे. शेतकºयांनी पुढील व्यवहार करण्याचा निर्णय घेण्यापूर्वी बाजारभावांची योग्य ती खात्री करूनच व्यवहार करावा.)

आजचे कांदा दर