कर्मचारी भविष्य निर्वाह निधीच्या अर्थातच जुन्या पीएफ खातेदारांसाठी एक आनंदाची बातमी आहे. ईपीएफओ लवकरच एक नियम लागू करणार आहे. ज्या अंतर्गत जे सदस्य ईपीएफमधून बाहेर पडले आहेत, आणि त्यांची खाती बंद झाली आहे ते 500 रुपये भरून पीएफ खाते सुरू पुन्हा करू शकतात. या नियमाचा फायदा अशा कर्मचाऱ्यांना होणार आहे, ज्यांचे पीएफ खाते नोकरी गेल्यानंतर बंद झाले आहे.
EPFO नियमांवर काम करत आहे
एका इंग्रजी वेबसाइटवर प्रसिद्ध झालेल्या बातमीनुसार, EPFO या नवीन नियमावर काम करत आहे. जे कर्मचारी ईपीएफओचे सदस्य होते, परंतु काही कारणास्तव खाते बंद झाले. ते 500 रुपये दरमहा किंवा मासिक पगाराच्या 13% देऊन EPFO मध्ये सामील होऊ शकतात. अहवालानुसार, ईपीएफओ डिपॉझिट-लिंक्ड इन्शुरन्स स्कीमवर होणाऱ्या परिणामाचे आकलन करण्याचा प्रयत्न करत आहे.
लाखो कर्मचाऱ्यांना फायदा
कर्मचारी भविष्य निर्वाह निधीनुसार 2018-20 मध्ये सुमारे 4.8 लाख लोक संस्थेतून बाहेर पडले आहेत. ज्याचा डेटाबेस ईपीएफओकडे सहज उपलब्ध आहे. 2020 मध्ये कोरोना संसर्गामुळे हा आकडा खूप जास्त असू शकतो. हा ठराव मंजूर झाल्यास लाखो कामगारांना मोठा दिलासा मिळणार आहे.
आधार लिंक्ड डेटाबेस
सामाजिक सुरक्षा कोड 2020 मध्ये EPFO अंतर्गत नवीन योजना जोडण्याची तरतूद आहे. त्यामुळे पुढील आर्थिक वर्षापासून संहितेची अंमलबजावणी सुरू करता येईल. सेवानिवृत्ती निधी संस्थेकडे सर्व बाहेर पडणाऱ्या सदस्यांचा डेटाबेस असतो, जो आधारशी जोडलेला असतो.
कर्मचाऱ्यांना हे फायदे मिळतील
यामुळे अशा व्यक्तींना सेवानिवृत्ती निधी तयार करण्यास मदत होईल, जे इतर कोणत्याही ठेव योजनांपेक्षा तुलनेने जास्त दराने निश्चित परतावा देईल. ईपीएफ योजनेत नोंदणी करणाऱ्या व्यक्तींना पेन्शन, पीएफ आणि विमा मिळू शकेल. EPFO ने आर्थिक वर्ष 2011 साठी 8.5% व्याज दिले आहे. संस्थेचे ६.९ लाख सदस्य आणि ७.१ लाख पेन्शनधारक आहेत.