अगदी थोड्याच काळात सिने-रसिकांचे लक्ष वेधून घेतलेल्या अभिनेते यश यांच्या केजीएफ म्हणजेच कोलार गोल्ड फिल्डस् या चित्रपटात जेष्ठ अभिनेते संजय दत्त दिसणार असून ‘ अधिरा ’ नावाच्या भूमिकेतून सिने-रसिकांसमोर येणार आहेत. संजय दत्त यांच्या 61 व्या वाढदिवसाचे निमीत्त साधत केजीएफच्या चमूने बुधवारी ‘ अधिरा ’ ची नवी झलक प्रसिद्ध केली आणि संजूबाबास वाढदिवसाच्या शुभेच्छा
दिल्या.
केजीएफच्या निर्मिती चमू होम्बाले फिल्म्स यांनी ट्विटर द्वारे याबाबत घोषणा केली. फर्स्ट लुक पोस्टर मध्ये अभिनेते यश यांच्या ‘रॉकी भाई’ चे नवीन पोस्टर प्रदर्शित करण्यात आले. या नवीन पोस्टरला सामाजिक माध्यमांवर चांगला प्रतिसाद मिळतो आहे. पोस्टरला ‘ रिबिल्डींग दि एम्पायर ‘ असे वाक्य देण्यात आले.
केजीएफची निर्मिती होम्बाले फिल्म्स अंतर्गत करण्यात आली असून 2020 साली केजीएफचा दुसरा भाग कन्नड, तामिळ, तेलगू , मल्याळम , हिंदी भाषेत प्रदर्शित होणार आहे. हिंदी प्रदर्शनाची जबाबदारी फरहान अख्तर यांच्या एक्सेल एंटरटेन्मेंट आणि अनिल थडानी यांच्या ए. ए फिल्मस् घेतली आहे.
केजीएफ 2 मध्ये यश शिवाय जेष्ठ अभिनेते संजय दत्त, श्रीनिधी शेट्टी, जेष्ठ अभिनेत्रे अनंत नाग, मालविका अविनाश, राव रमेश महत्वाच्या भूमिकेत दिसणार आहेत. प्रशांत नील दिग्दर्शित केजीएफ चित्रपट डिसेंबर 2018 साली कन्नड, तामिळ, तेलगू , मल्याळम
आणि हिंदी भाषेत प्रदर्शित झाला. मूळ कन्नड भाषेत असलेल्या या चित्रपटास प्रेक्षक तसेच समीक्षकांकडून चांगला प्रतिसाद मिळाला.