‘मिशन मंगल ‘ चित्रपटात वैज्ञानिकाची भूमिका साकारल्यानंतर अभिनेत्री विद्या बालन आता नवीन चित्रपटासह सज्ज आहेत. विद्या बालन आता जेष्ठ गणितज्ञ आणि ‘ मानवी संगणक ‘ म्हणून ओळखल्या जाणाऱ्या शकुंतला देवी यांच्या भूमिकेत दिसणार आहेत .
या जीवनपटाचे ट्रेलर बुधवारी प्रदर्शित करण्यात आले.चित्रपटाचे दिग्दर्शन अनु मेनन यांनी केले असून निर्मिती सोनी पिक्चर्स आणि अबंडंटिया एंटरटेन्मेन्टने केली आहे.
अभिनेत्री विद्या बालन यांच्यासह अभिनेते जीषु सेनगुप्ता, सान्या मल्होत्रा या चित्रपटात दिसणार आहेत. शकुंतला देवीच्या ट्रेलरला सर्व सामाजिक माध्यमांवर मोठा प्रतिसाद मिळतो आहे.
अभिनेत्री विद्या बालन यांच्या जिवंत आणि नैसर्गिक अभिनयास सिनेरसिकांनी दाद दिली आहे. कोरोना संकटामुळे विद्या बालन शकुंतला देवी यांच्या रुपात 31 जुलै रोजी अमेझॉन प्राईच्या माध्यमातून प्रेक्षकांना भेटायला येणार आहेत.