दिवाळीनंतर कांद्याचा बाजार खातोय भाव

नाशिक  १९ : दिवाळीनंतर कांदा भाव खाणार असे संकेत कृषी पंढरी ने मागील वृतात दिले होते. ते आता खरे ठरताना दिसत आहे. दिवाळीच्या बंद नंतर मार्केट सुरु झाले असून कांद्याने भाव खाण्यास सुरवात केली आहे. लाल कांद्याला ५ हजार रुपये प्रती क्विंटल दर मिळाले आहे. (संदर्भासाठी पणन मंडळाने दिलेले आजचे बाजारभाव दिले आहेत )

आजपासून लासलगाव कृषी उत्पन्न बाजार समितीमध्ये कांदा लिलाव सुरू झाले. लाल कांद्याच्या कमाल भावात बाराशे रुपये तर सरासरी भावात एक हजार रुपयांची वाढ होऊन लाल कांद्याला ५१०१ तर सरासरी ४१०० रुपये भाव मिळाला तर तर उन्हाळ कांद्याला कमाल ४६९० भाव मिळाला.११ नोव्हेंबर ला लाल कांद्याला किमान १३५१ रु दर मिळाला होता त्यात आज दुपटीने वाढ होऊन लाल कांद्याला २७०० रु भाव मिळाला.

दीपावली सणानिमित्त लासलगाव बाजार आवरावर दि ११ ते १८ अशे एक आठवडा भर कांद्याचे लिलाव बंद होते. ११ नोव्हेंबर रोजी उन्हाळ कांद्याला सरासरी ३६०० लाल कांद्याला ३१०० रुपये प्रति क्विंटल असा दर मिळाला होता.यंदा परतीच्या पावसाने उन्हाळ आणि लाल कांद्याचे मोठ्या प्रमाणात नुकसान झाल्याने कांद्याच्या उत्पादनात घट झालेली आहे.देशावर बाजारपेठेत मागणीच्या प्रमाणात आवक कमी असल्याने कांदा भावात तेजी निर्माण होत आहे.

आज लासलगाव बाजार आवरावर ७२७ वाहनातून ८४८५ क्विंटल उन्हाळ कांदा तर १७ वाहनातून १८० क्विंटल लाल कांद्याची आवक झाली. उन्हाळी कांद्याला किमान १४००,कमाल ४६९० तर सरासरी ४२०० रु तर लाल कांदा किमान २७००,कमाल ५१०१ तर सरासरी ४१०० रु दर मिळाला.

शेतमाल: कांदा

दर रु. प्रती क्विंटल