कांदा भाव घसरले, नाफेडने कांदा खरेदी करण्याचे शेतकरी संघटनांचे आवाहन
नाशिक : दिवाळीचा सण तोंडावर आल्याने शेतकऱ्यांनी आपला कांदा बाजार समितीत आणत आहेत. परंतु बाजार भावात गेल्या सोमवारपासून झालेल्या मोठ्या घसरणीमुळे ऐन सणासुदीच्या तोंडावर शेतकऱ्यांचा हिरमोड झालेला आहे. गेल्या आठवड्यापासून कांद्याचे बाजार भाव कमी झाला आहे. महाराष्ट्रातील कांदा उत्पादकांचे मोठे आर्थिक नुकसान होत असतांना फक्त ग्राहक हित डोळ्यासमोर ठेवून सरकारने घेतलेले निर्णय शेतकऱ्यांना मारक ठरत आहे.राज्यातील कांदा उत्पादकांमध्ये सरकार विरोधात मोठी संतापाची लाट आहे. महाराष्ट्रातील सर्व खासदारांनी नाफेडची कांदा खरेदी परदेशातून आयात केलेल्या कांद्याऐवजी राज्यातील कांदा उत्पादक शेतकऱ्यांकडून करून घेण्यासाठी केंद्राला भाग पाडावे.यासाठी पाठपुरावा करावा, अशी मागणी राज्य कांदा उत्पादक शेतकरी संघटनेच्या माध्यमातून करण्यात येत आहे .
परदेशातून आयात केलेला कांदा शहरांमध्ये वितरणास सुरुवात झाल्याचा परिणाम कांदा दरात दिसून येत आहे. येथील मुख्य बाजार समितीत सोमवारच्या तुलनेत गुरुवारी कमाल कांदा दरात १५०० तर.सरासरी १६५० रुपयांची घसरण झाली असून कांदा दरात घसरण होत असल्याने बळीराजा हतबल झाला आहे.
गुरुवारी लासलगाव बाजार समितीत उन्हाळ कांद्याला कमाल ४५५१ रुपये,, सरासरी ३६५१ रुपये तर नवीन लाल कांद्याला कमाल ३७१२ रुपये तर सरासरी ३३०० भाव मिळाला. नव्या लाल कांद्याची आवक पुढील काळात वाढणार आहे. त्याचाही दरावर परिणाम होणार असल्याची धास्ती कांदा उत्पादकांमध्ये आहे.
ऐन सणासुदीच्या तोंडावर कांद्याचे दर घसरत असल्यानं, कांदा उत्पादक शेतकऱ्यांच्या अडचणीत पुन्हा एकदा वाढ झाली आहे. केंद्र सरकारने कांदा आयात केल्यामुळे कांद्याचे दर घसरत असल्याने बळीराजा मध्ये नाराजी व्यक्त होत आहे
कांदा साठवणूक मर्यादेमुळे मागील आठवडय़ात सलग चार दिवस कांद्याचे घाऊक बाजार बंद राहिले होते. लिलाव सुरू झाल्यापासून दरातील तेजी हळूहळू कमी होत आहे. आता परदेशातून आयात केलेला कांदा महानगरांमध्ये वितरित होऊ लागल्याने स्थानिक कांद्याची मागणी घटत असल्याने कांदा दर ही घसरत आहे.
येथील बाजार समिती ५६३ वाहनातून ६२२५ क्विंटल कांद्याची आवक झाली कमाल ४५५१ रुपये ,सर्वसाधारण ३६५१ रुपये तर किमान ११०० रुपये इतका प्रतिक्विंटलला बाजार भाव मिळाला.लाल कांदा कमाल३७१२ सर्वसाधारण३३०० तर किमान १२८० रुपये दराने विक्री झाला.
नाफेडने कांदा खरेदी करावा
नाफेडच्या माध्यमातून 15 हजार टन कांदा आयात करून मुंबई बंदरावर पाच हजार रुपये क्विंटल दराने उपलब्ध होणाऱ्या कांद्यामुळे राज्यातील कांद्याचे भाव पडून कांदा उत्पादकांचे मोठे आर्थिक नुकसान होणार आहे. त्याऐवजी नाफेडने नाशिकसह राज्यातील कांदा उत्पादक जिल्ह्यांमधून हा कांदा 5 हजार रुपये क्विंटल या दराने खरेदी करावा व कांदा उत्पादकांचे होणारे नुकसान थांबवावे. नाफेडने परदेशी कांदा 5 हजार रुपये क्विंटल या दराने आयात करण्याऐवजी महाराष्ट्रातील शेतकऱ्यांकडून याच दराने कांदा खरेदी करावा, अशी मागणी महाराष्ट्र राज्य कांदा उत्पादक शेतकरी संघटनेचे संस्थापक अध्यक्ष भारत दिघोळे यांनी केली आहे.
आजचे कांदा भाव
शेतमाल | जात/प्रत | परिमाण | आवक | कमीत कमी दर | जास्तीत
जास्त दर |
सर्वसाधारण
दर |
---|---|---|---|---|---|---|
05/11/2020 | ||||||
कोल्हापूर | — | क्विंटल | 2248 | 1000 | 5000 | 3500 |
औरंगाबाद | — | क्विंटल | 937 | 1000 | 4500 | 2750 |
मुंबई – कांदा बटाटा मार्केट | — | क्विंटल | 8257 | 4500 | 6500 | 5500 |
खेड-चाकण | — | क्विंटल | 232 | 2000 | 6000 | 4000 |
श्रीगोंदा- चिंभळे | — | क्विंटल | 449 | 350 | 5000 | 4500 |
मोर्शी | — | क्विंटल | 3 | 2800 | 5600 | 4200 |
सोलापूर | लाल | क्विंटल | 10302 | 200 | 6700 | 2000 |
अहमदनगर | लाल | क्विंटल | 1925 | 1000 | 3500 | 2800 |
धुळे | लाल | क्विंटल | 7003 | 200 | 5600 | 4700 |
लासलगाव | लाल | क्विंटल | 145 | 1280 | 3712 | 3300 |
जळगाव | लाल | क्विंटल | 1650 | 1500 | 4250 | 2800 |
मालेगाव-मुंगसे | लाल | क्विंटल | 200 | 1000 | 3700 | 2550 |
पंढरपूर | लाल | क्विंटल | 386 | 200 | 5500 | 3500 |
नागपूर | लाल | क्विंटल | 3800 | 3000 | 5000 | 4500 |
संगमनेर | लाल | क्विंटल | 1452 | 500 | 4000 | 2250 |
मनमाड | लाल | क्विंटल | 300 | 1500 | 3131 | 2600 |
साक्री | लाल | क्विंटल | 1950 | 1500 | 3500 | 2500 |
देवळा | लाल | क्विंटल | 1000 | 1000 | 2725 | 2250 |
उमराणे | लाल | क्विंटल | 1200 | 751 | 5700 | 3000 |
सांगली -फळे भाजीपाला | लोकल | क्विंटल | 1190 | 600 | 4800 | 2700 |
पुणे | लोकल | क्विंटल | 7431 | 700 | 4700 | 2700 |
पुणे- खडकी | लोकल | क्विंटल | 9 | 2300 | 4000 | 3100 |
पुणे -पिंपरी | लोकल | क्विंटल | 2 | 5500 | 5500 | 5500 |
पुणे-मोशी | लोकल | क्विंटल | 292 | 3000 | 4500 | 3750 |
मलकापूर | लोकल | क्विंटल | 272 | 2425 | 4275 | 3575 |
वाई | लोकल | क्विंटल | 15 | 2500 | 5000 | 3750 |
नागपूर | पांढरा | क्विंटल | 264 | 4000 | 5500 | 5500 |
अहमदनगर | उन्हाळी | क्विंटल | 19788 | 1500 | 4000 | 3500 |
लासलगाव | उन्हाळी | क्विंटल | 6225 | 1100 | 4551 | 3651 |
लासलगाव – निफाड | उन्हाळी | क्विंटल | 2220 | 1500 | 4552 | 3300 |
मालेगाव-मुंगसे | उन्हाळी | क्विंटल | 5000 | 1500 | 3850 | 2905 |
राहूरी -वांभोरी | उन्हाळी | क्विंटल | 6778 | 500 | 4000 | 3000 |
संगमनेर | उन्हाळी | क्विंटल | 968 | 500 | 4551 | 2525 |
चाळीसगाव | उन्हाळी | क्विंटल | 670 | 500 | 3550 | 2500 |
चांदवड | उन्हाळी | क्विंटल | 5000 | 1000 | 4450 | 3000 |
मनमाड | उन्हाळी | क्विंटल | 2000 | 1000 | 3510 | 3200 |
कोपरगाव | उन्हाळी | क्विंटल | 4080 | 1000 | 4899 | 4225 |
पिंपळगाव बसवंत | उन्हाळी | क्विंटल | 12440 | 1000 | 5681 | 3801 |
वैजापूर | उन्हाळी | क्विंटल | 1889 | 500 | 4700 | 3500 |
देवळा | उन्हाळी | क्विंटल | 3530 | 2000 | 3950 | 3450 |
उमराणे | उन्हाळी | क्विंटल | 8900 | 1000 | 5000 | 3600 |