तरीही कांदा भाव खाणारच ! कारण…

निर्यातबंदीनंतर किमान 25 मे. टनापेक्षा कांदा साठविता येणार नाही, अशी अट घातल्याने मागील दोन दिवसांपासून कांदयाचे माहेरघर समजल्या जाणाºया लासलगाव बाजारसमितीत व्यापाºयांनी कांदा लिलाव बंद केले. परिणामी शेतकºयांचे नुकसान झाले. काही शेतकºयांना थेट नाशिक येथे कांदा आणावा लागला, तिथे काल सरासरी चार हजारापर्यंत भाव मिळाला, पण वाहतुक खर्च झाला. यंदा हवामानामुळे कांदा लागवड वाढूनही लाल (पोळ) कांदद्याचे उत्पादन कमी आले आहे. जाणकारांच्या माहितीनुसार तब्बल 70 टक्के उत्पादन घट आहे.

परिणामी कांद्याच्या किंमती वाढत असून ऐन निवडणुकांच्या हंगामात त्या नियंत्रणात ठेवण्यासाठीच सरकार निर्यातबंदी, आयातीला चालना, साठवणुकीवर मर्यादा अशी पावले उचलत आहेत. मात्र या क्षेत्रातील अभ्यासकांच्या अंदाजानुसार सरकारचा हा केवळ निवडणुक आणि मीडियात बातमी आणण्यासाठी केलेला प्रयत्न असून कांद्याच्या किंमती यंदाही वाढत्या राहणार आहेत, आणि काहीही प्रयत्न केले तरी कांदा भाव खाणारच आहे. शेतमालाचे अभ्यासक दीपक चव्हाण यांनी यावर आपले अभ्यासू मत मांडले आहे. ते म्हणतात की कांद्याचे मार्केट आता दबणार नाही..

त्यांनी मांडलेले मुद्दे आणि मागण्या अशा ;

1. सरकारी कंपनी ‘एमएमटीसी’ देखिल लवकरच कांदा आय़ातीचे टेंडर काढेल, असे वृत्त आहे. गेल्या वर्षी एमएमटीसीकडील आय़ातीत कांदा पोर्टवर सडला होता.