झी’ने आपल्या आणखी एका नवीन वाहिनीची घोषणा केली आहे. ‘झी वाजवा’ या नवीन वाहिनीची घोषणा केली आहे. झी मराठी वाहिनीवरील प्रतिष्ठित झी गौरव पुरस्कारदरम्यान अभिनेता स्वप्निल जोशी आणि अभिनेता सिद्धार्थ जाधव यांच्या हस्ते या नवीन वाहिनीच्या लोगोचे अनावरण करण्यात आले. नव्या वाहिनीची सुरूवात ऑक्टोबरपासून होणार आहे.
‘झी वाजवा’ या नव्या वाहिनीच्या निमित्ताने मराठी गाण्यांसोबतच मराठी निर्मात्यांना, दिग्दर्शकांना आणि मराठी चित्रपटांना एक हक्काचे व्यासपीठ मिळेल, अशी भावना अभिनेता स्वप्नील जोशी याने व्यक्त केली. तर, अभिनेता सिद्धार्थ जाधव याने ‘झी’ समूहाचे अभिनंदन करत मराठी गीतकार, संगीतकार आणि गायक यांच्यासाठी झी एक नवीन व्यासपीठ उपलब्ध करून देत असल्याचे म्हटले आहे.